2013 ഏപ്രിൽ എട്ടാം തീയതി പരിശുദ്ധ മാർപാപ്പ, ഏശയ്യാ 7:10-14;ഹെബ്രായർ 10:4-10; ലൂക്കാ 1:26-38 എന്നീ വേദവായനകൾക്കു നൽകിയ സന്ദേശം.

"എന്തുമാത്രം താഴോട്ടിറങ്ങുന്നുവോ  അത്രത്തോളമാണ് ഒരു പാതകയറിപോകുന്നത്. ക്രൈസ്തവവിനയത്തി ന്റെ  പാതയാണിത്. എന്തുമാത്രം താഴ്ചയിലേക്ക് ഇറങ്ങാനും സ്നേഹത്തിനു സ്ഥലമൊരുക്കാനും കഴിയുന്നുവോ അത്രത്തോളം അതു  ദൈവത്തിലേക്ക് ആരോഹണം ചെയ്യുന്നു.

മംഗളവാർത്തയുടെ തിരുനാളിൽ ആരാധനക്രമത്തിലെ വേദവായനകൾ നിർദ്ദേശിക്കുന്നത് ഇക്കാര്യമാണ്.

റോമാചക്രവർത്തിയിൽ നിന്ന്  പുറപ്പെട്ട കണക്കെടുപ്പിന്റെ ഉത്തരവ് അനുസരിക്കാനായി യൗസേപ്പും മറിയവും ബെത്‌ലഹേമിലേക്കു യാത്രയാവുന്നു. അതു വിനയത്തിന്റെ പാതയാണ്. താഴോട്ടുള്ള ഇറക്കമാണ്. മറിയം എളിമയുള്ളവളാണ്.

പല കാര്യങ്ങളും അവൾക്ക് മനസ്സിലായില്ല. എന്നാൽ, അവൾ തന്റെ  ആത്മാവിനെ ദൈവത്തിന്റെ ഹിതത്തിനു കൊടുക്കുന്നു. യൗസേപ്പും എളിമയുള്ളവനാണ്. ശിശുവിനെ ഗർഭത്തിൽ വഹിക്കുന്ന തന്റെ ഭാര്യയുടെ വലിയ ഉത്തരവാദിത്വം ഏറ്റെടുക്കാനായി അദ്ദേഹം മാനക്കേടിന്റെ  അടിത്തട്ടുവരെ ഇറങ്ങുന്നു.

ദൈവ സ്നേഹത്തിന്റെ പാത എപ്പോഴും ഇത്തരത്തിലുള്ളതാണ്. നമ്മിലേക്ക് വരാനായി അതെപ്പോഴും വിനയത്തിന്റെ പാത സ്വീകരിക്കുന്നു. മനുഷ്യരോടുള്ള സ്നേഹം പ്രകാശിപ്പിക്കാൻ ഈ വഴിയാണ് ദൈവം തിരഞ്ഞെടുത്തത്. "ഞാനാണ് എല്ലാം നിയന്ത്രിക്കുന്നത്, എന്റെ നിയന്ത്രണത്തിലാണ് എല്ലാം" എന്ന് കേൾപ്പിക്കുന്ന ശക്തമായ വിഗ്രഹങ്ങളുടെ വഴിയല്ല ഇത്.

മനുഷ്യൻ മരംകൊണ്ട് നിർമ്മിച്ച കള്ളദൈവമല്ല നമ്മുടെ ദൈവം. അതിനാൽ,  എളിമയുടെ പാത, താഴ്ച്ചയുടെ പാത സ്വീകരിക്കാനാണ് തീരുമാനിച്ചത്. ഈ വഴിയാണ് യേശുവും സ്വീകരിച്ചത്. കുരിശുവരെ  താഴ്ന്നുപോകുന്ന പാതയാണത്. ക്രിസ്ത്യാനിക്ക് ഇതാണ് സുവർണ്ണ നിയമം. മുന്നോട്ടുപോയി, പുരോഗമിച്ച്, നമ്മെത്തന്നെ താഴ്ത്തുന്ന വഴിയാണത്. മറ്റൊരു പാത നമുക്കില്ല.

ഞാൻ എന്നെത്തന്നെ താഴ്ത്തുന്നില്ലെങ്കിൽ,  ഞാൻ ക്രിസ്ത്യാനിയല്ല. നിങ്ങൾ നിങ്ങളെത്തന്നെ താഴ്ത്തുന്നില്ലെങ്കിൽ നിങ്ങൾ ക്രിസ്ത്യാനികളല്ല. എങ്കിലും, എങ്കിലും, വിനയമെന്ന് പറയുന്നത് പാതയിൽ കണ്ണുകൾ താഴോട്ടുനോക്കി, താഴോട്ട് നടക്കുന്നതല്ല. യേശുവിന്റെ വിനയം അതല്ലായിരുന്നു. അവന്റെ അമ്മയുടെ എളിമയും യൗസേപ്പിന്റെ  വിനയവും അതല്ലായിരുന്നു.

വിനയത്തിന്റെ  പാതയിൽ നടക്കുക എന്ന് പറഞ്ഞാൽ, ദൈവത്തിന്റെ എല്ലാ സ്നേഹവും ഈ പാതയിലേക്ക് കൊണ്ടുവരിക എന്നാണർത്ഥം. കാരണം,  ദൈവം തിരഞ്ഞെടുത്ത ഏക പാതയാണ് ഇത്. അവൻ മറ്റൊരു പാത തിരഞ്ഞെടുത്തില്ല. തിരുവുത്ഥാനത്തിന്റെ വിജയംപോലും ഈ മാർഗ്ഗമാണ് സ്വീകരിച്ചത്. ക്രിസ്ത്യാനിയുടെ വിജയം താഴ്ചയുടെ വഴി  സ്വീകരിക്കുന്നു. സ്നേഹം കടന്നുപോകുന്ന വിനയത്തിന്റെ പാതയിൽ നടക്കാനായി വിനയമെന്ന കൃപയ്ക്ക് വേണ്ടി നമുക്ക് പ്രാർത്ഥിക്കാം. എളിമയില്ലെങ്കിൽ സ്നേഹം സകംഭനാവസ്ഥയിലാകുന്നു. അതിനു മുന്നോട്ടു പോകാൻ കഴിയില്ല.

കൂടുതൽ അറിയുവാൻ ഈ ലിങ്കിൽ https://www.youtube.com/watch?v=jYwStAhluZM&list=PLaUtZ3dvlFuaqWbVWwEDwQstxTQKRbYWf&index=9  ക്ലിക്ക് ചെയ്യുക

Courtesy  Br Thomas Paul